For Once 我贊成打尖                  2026年6月           Facebook/IG

《Court!》播完之後，Threads很多留言都表示依依不捨唔夠喉，如果ViuTV把心一橫，求收視或保熱度來個特事特辦，打尖也好，逼人讓路也好，接住改推原定排在《喜劇開場》之後才上，同是銀河影像製作的《地獄大狀》，我肯定必能食住現時個勢，包保不會流失《Court!》積落的基本盤。雖然兩劇同是法庭戲，但戲種聽聞完全不同，估計不會帶來重複感，兩劇又同樣有林愷玲參演，她似乎憑《Court!》已榮升女神級，肯定不可能趕客。

即使ViuTV不將《喜劇開場》壓後推出，它也確生不逢時，眾人看來仍沉醉在《Court!》的aftertaste，仲日日在網上平台講，仍未ready收拾心情去追新劇，講衰D只會覺得佢阻住個地球轉，求神拜佛快Ｄ播完，所以唔變陣其實對《喜劇開場》和三個初次孭重飛的主角都唔公平。當然希望這一切都是我個人胡思亂想，《喜劇開場》或許真的能成為Viu TV《IT狗2》、《Court!》之後的三連冠也說不定，不過我昨晚又的而且確無法坐定定看它的第一集。