女人為甚麼要吸煙？—— 溫寶玲 1988 年 11 月 號 外
現代人吸煙有很多不同的理由。有人為了是習慣，有人為了集中精神，有人為了發洩，有人為了扮 cool，更有人為交際。何謂交際吸煙？它與一個女強人又扯上甚麼關係？請聽以下一位時代女性公關的剖白。
「我 associate 食煙 with relaxation。放工後去飲 cocktail、食飯或跳舞 —— 同人應酬時 —— 就會有個 urgeE 去食煙。」商業電台公關及節目推廣部經理黃寶珠（Pearl Wong）認為這就是 social smoking。
大概 social smoking 與其他吸煙最大的分別是吸煙者在緊張、需要集中精神時不會吸煙，反而會在身心都比較放鬆時吸。另一個 common misconception 就是「交際吸煙」是較虛偽的行為，因為吸煙者並不照自己的意願去吸煙，而是利用吸煙去交際、應酬。Pearl 却覺得她並沒有刻意這樣做。「雖然喺嗰個 moment 嘅溝通會容易啲、 smooth 啲。但大致上來說，吸煙並不能帶來工作上或交際上的幫助。無可否認的事實就是以中國人思想嚟講，就算喺今日嘅社會，人地 offer 香煙如果唔要就好似唔俾面喎！」
Pearl 倒覺得就算是 social smoking，主要是一種習慣。「譬如我身上從來不帶煙，但跟一大羣人一起時，若有人 offer 香煙，我便會樂於接受。」
2003 年的黃寶珠 (右)
所以對她和很多女人來說，吸煙是一種被動的習慣。
身為一位女公關 Pearl 覺得因為接觸人多及應酬機會多，交際吸煙對她來說大概比對其他行業的人更重要。她工作範圍內最重要的是要跟外界（唱片、電影及其他媒介）打好關係、替商台宣傳及負責各大、小 shows ，不懂吸煙是不行的。
在香港競爭激烈，而且還是男人掌權的社會情況下， Pearl 在十幾歲時已意識地將吸煙化為一種令自己看來 tougher 的武器，或自覺吸煙的自己給人一種特別的 impact。「以前十幾廿歲嗰時我覺得食煙可增加自己信心，又令個樣 experienced 啲、成熟啲。不過而家就唔駛嘞，我已經 built up 咗 confidence。」
談到男女社會地位問題，Pearl 相信「男人做得到嘅嘢女人都可以做到，不過因為社會思想仲係覺得男人 superior ，所以我亦都接受社會上男女根本唔能夠平等。但女人比男人是更適合做公關及時裝工作。因為女人比較細心，諗倒細節嘅嘢同埋識得 follow through。」
2010 年的黃寶珠 (右)
不過吸煙也為她帶來煩惱，例如受到別人的「排斥」——「我的男友們說佢地唔可以想像我喺一個吸煙的女人。但係佢地自己又食煙，正一大男人主義！」
不過堅強的現代女性當然並不屈服，「所以嗰啲全部變晒前度男友了！」
近年來，香港社會的多種媒介都有意建立起一個獨立、能幹却又剛柔並重的現代女性形象，更提倡新 feminine lifestyle。不斷面世的新女性雜誌、女性香煙及女性信用咭就是最好的例子。對於這些新產品 Pearl 覺得若有充份理由（並非「有嗰樣整嗰樣」），就很不錯。「譬如女性煙 Capri 就好幼，好 refined ，好靚，代表女性形象。我鍾意呢種感覺。」
在這個潮流之下，Pearl 覺得最需要的是一個 “clean healthy escort service”。
「我成日諗，希望有個會所有啲有型，但又完全冇 commitment 嘅男仕，陪我地一班放咗工嘅女人，social 下，咁幾好！」
