Cool Down 1985 —— 李志超 1985 年 3 月 號 外
潮流興 cool，作為《號外》的 third generation，我早已作好準備怎樣渡過一個很 cool 的 1985。
1）和朋友上 coffee shop 要喝 mint tea（薄荷茶）, 別人自然覺得你 cool , 如果你去間咖啡店沒有薄荷茶（對，因為只有尖東一間酒店有這種飲品）可以用代用品 Ricola herbal tea，雖然味道太濃（鬼佬山草藥），但可以用來招呼朋友，千萬不要當人面前喝 hot chocolate 或放棄茶葉，例如只飲檸檬水不要檸檬茶。
2）取消去所有 hot spots，發誓半年內不去 Fringe Club，保持自己 cool，因為大部分的文化友都去了那裹蒲，如果自己 involved 埋，浸濕咗個身就想 cool 一陣都好難。
3）訓練自己對周圍保持不驚不喜不憂不慮的態度：
辦法一：由廟街東部入口（佐敦道）行到（西貢街）西部出口，以五分鐘完成，眼要直線向前望，其心境 cool，簡直不為兩旁的色情場所吸引！
旺角彌敦道聯合廣場的前身東樂戲院
辦法二：去荔園，一樣嘢都唔好玩，數完有幾多樣遊戲機，分析一番行番出嚟？
辦法三：請看下圖，你感到好奇嗎？如果是的話，證明你未夠 cool。
4 ）音樂全部聽 jazz，如果頂唔一順，勉強可聽 pop jazz 如 Sade, Linda Ronstadt, Manhattan Transfer, Bronski Beat，最重要首推 Kool & the Gang，美國仲有隻叫 Kool 的香煙，年年都主辦 jazz festival，所以要 cool，一定要聽 jazz 先，而於香煙就係要醇煙或薄荷煙，係 low tar 都合格。
5）不要托熟人介紹任何 cool 的人物認識，你一定要識他們，就已經唔 cool。要等佢地埋嚟識你先夠 cool。
6）配一副變色太陽鏡，或者墨汁鏡，最新的出品是白色反光不透明鏡，更加無得頂。
7）暑假旅遊選 Greenland，在青苔上曬太陽看海上浮冰。次選：青島，都唔錯。
Greenland
8）要學反應遲鈍，人人都望去一邊的時候，你唔望。講完好笑的話千祈唔好笑。
